أكاديمية الهدى الماسية للشعر والأدب

…………انا راجع…………..
…كلمات يحيى العبادي…
……21/8/2022……..
================
مش هأ عند ولا هأ بعد تاني
وهأ فوتك تسكن أحضاني
وهأدور تاني علي نفسي
من امتي وانا قلبي بيعاني
طول عمري فايتك بمكانك
مش عايز احفظ عنوانك
مع اني قلبي سكن عندك
مشتاق ل حبك وحنانك
مش هأ عند انا قلبي اتعلم
من جرح بعادك ب يتألم
وعيوني لعنيك محتاجه
وقلبي أمره ليك سلم
لو حلمي كان حلم بحلمك
لو كنت سكنت يوم قلبك
خليني جواك……. استني
اشرح لك احساسي واقولك
أن انت كل احلامي
طول عمرك مالك ايامي
مش قادر علي بعدك اصبر
نسيانك قمة اوهامي
انا جاي لك صدقني بحبك
انا نفسي اكون ساكن قلبك
واعيش الدنيا وبيك افرح
ولا افوتك ولا ابعد عنك