أكاديمية الهدى الماسية للشعر والأدب

اتغيرت القلوب والحسابات اتبدلت
والروح مشيت بعيد وغابت. وتاهت
فى وسط الزحمه والأمور اتحولت
وغاب الحب من قلوبنا ونفوسنا اتاثرت

ليه نتوه ونبعد مسافات ومابينا اختلافات
ونعيش لوحدنا. وفين سنين إلى فاتت
وتغيب الأحباب عننا وندور على.. احبابنا
والوحده من جونا بتبعدنا واحنا تفرقنا

تعالو نتصالح. ونود ونتسامح
ويكون مابينا كلام احنا مافيش مابينا خصام
متجرحوش بالشكل دا هو احنا مابينا عتاب
هو عشان ماتسألو ولا حتى تبعتو لينا سلام

خلينا نحس بوجودكم خلينا نشوف وشوشكم
منشوفش الضلمة فى جرحنا دا النظر باهت
نفسي الأنوار ترجع لينا ونشوف الأمل فى عنينا
أشوف الضحكه مليا قلوبنا ونحس بماضينا

أغراب مابين بعضنا والأيام بتخودنا بتبعدنا
كتير عن نفسنا وبدور عليكم هو اتغير زمان
والإنسان غابت الروح وزاد الهم فين. حبايبنا
الأيام ماليها طعم من غيركو الدنيا مافيها الروح

تعالو نعيش الدنيا والضحكه تونسنا
ونملاء حياتنا فرح ورد. يملى بيتنا
مايكنش النور عتمة وظلام و جروح
يلا نحلم دا عمرنا ايه دا مش عمرين

اتغيرت القلوب…. عبدالرحمن امام