أكاديمية الهدى الماسية للشعر والأدب

…… زرعت الخير ….
أنا اللي الدنيا عانديتني
وأخدت مني ما اديتني
ولو جيتها في يوم فرحان
بتخنقني تموتني
بقول حاضر وأقول ماشي
وكلمة آآآه ما اقولهاشي
عشان ما اصعبش ع اللي زمان
جرح قلبي ولا جاشي
زرعت الخير حصدت الشر
شربت سنين قساوة ومر
في بحر الشوق سافرنا كتير
ولا رسينا في يوم علي بر
علي دموعي بنام وبقوم
أنا الظالم وأنا المظلوم
ظلمت القلب لما معاك
رضيت بالقسمة والمقسوم
لا هدعي عليك ولا ادعيلك
دا كاس داير وهيجيلك
لا دامت يوم ولا هدوم
لا ليك أبدا ولا لغيرك
….. بقلمي : محاسن مرضي السيد