أكاديمية الهدى الماسية للشعر والأدب

بمناسبة اليوم العالمي للغة العربية
قصيدة بعنوان الكلمة هي الأساس
الكلمة هي الأساس

الكلمة هي الأساس
لازم تكون بحساب
فيها الحروف حراس
ولكل حارس باب
باب الهوي موارب
لكل عشاقك …..
ما اقدر علي فراقك
أصل الهوي غلاب
بكلمة تبني بلد
وبكلمة تمحيها
بكلمة تعلى الراس
وكلمة توطيها
في كلمة زي الولد
بتبقي ضهر وسند
وكلمة تحرق بلد
ما تخلي شئ فيها
الكلمة دي عنوان
أجيال ورا أجيال
عند العرب بميزان
مش أي شئ يتقال
لغة العرب دي شرف
وعرض زي الأرض
متصانة زي الفرض
يتهز ليها جبال
الكلمةشمس وهدي
أرض وسما وعمدان
تلقاها ستر وغطا
بيها التاريخ متصان
مركب تعدينا ……
وشراعها فوق عالي
دايما علي بالي ..
ولقلبي بر أمان …
بقلمي : محاسن مرضي السيد