أكاديمية الهدى الماسية للشعر والأدب

شايفين ياكبار
طلقات النار بتاخدنا لفين
شاهدين ياكبار
أحلام برائتنا صراخ وأنين
الشمس غياب ،والقمره غياب
والحصة دروس حرب ،وارهاب
ضيعتوا النور في عيون عصفور
مين حيعوضنا بأحلى سينين
شايفين ياكبار

عصافير ،عصافير
بتقولوا عصافير
طب هاتوا جناحنا ،وهاتوا الريش
خلونا نطير _خلونا نعيش
ده. العش دمار
والقش حصار
إزاى عايزين الحلم يعيش
شايفين ياكبار

إرهاب. إرهاب
لا لا. للإرهاب
إرهاب. إرهاب
وحننطق لأ. بعلو الصوت
ماكفاية رصاص
ودمار مصاص
للدم مايعرف. غير الموت
شايفين ياكباااااار

كلمات الدكتور الشاعر/عماد صبحى
حصلت على الجائزة في مهرجان القاهرة الدولي للأغنية ١٩٩٦