أكاديمية الهدى الماسية للشعر والأدب

{{{ربيع خمسينية}}}

بعدك بعيني اجمل الحلوين
اوعى تقولي سنين عمري كثار
حساب العمر منو بعدد لسنين
مابقول شاب الشعر صرنا كبار
حوا حنونة كتير بالخمسين
بتحمل بقلبا من الصغر اسرار
بحبك رزينة وصخر مابيلين
بعشق عيونك لو عليي تغار
صوتك صدى ذكرى الامس تخمين
خطوط الوجه بتوثق الاخبار
الله عطاك وابدع التكوين
خدودك ورد من اجمل الازهار
آذار فيكي منهنه بتشرين
انت ربيعي يابدر نوار
بحبك لو انك صرتي بالتسعين
ولو قالوا عني شايب وختيار
لو تضحكي برجع ابن عشرين
بغزل قصيدة من خيوط الشمس
وبكتب على لوح السما اشعار

{{{تراتيل غادةجودية}}}