أكاديمية الهدى الماسية للشعر والأدب

(أى حد )
أى حد أختار يسيبك
ساعده دايماً ف إختياره
أوعى تانى تقول حبيبك
أو تراجعه عن قراره
أصله لو كان يعنى حبك
كان هيفضل عمره جانبك
يبقى يرضى إزاى لقلبك
جرحه دايماً وإنكساره
أى حد إختار يسيبك
ساعده دايماً ف إختياره

أى حد فى لحظة فكر
أنه بس فى لحظة يغدر
أوعى مره عليه تأثر
سيبه يبعد من سكات
وأوعى لحظة فى مرة تندم
بكره يعنى أكيد هتفهم
إن كان البعد أسلم
بعد قلبه خلاص ما مات
أصله لو كان يعنى حبك
كان هيفضل عمره جانبك
يبقى يرضى إزاى لقلبك
جرحه يعنى وإنكساره
أى حد أختار يسيبك
ساعده دايماً ف إختياره

اللى باع وخل بوعده
أنت إمضى قرار ببعده
أوعى تندم لحظة بعده
ولا تشعر بالهزيمة
أوعى مرة فى يوم تصدق
إنه كان له فى حبه مبدأ
إنسى أنت وعدّى وإسبق
خلّى دايماً ليك عزيمة
أصله لو كان يعنى حبك
كان هيفضل عمره جانبك
يبقى يرضى إزاى لقلبك
جرحه يعنى وإنكساره
أى حد أختار يسيبك
ساعده دايماً ف إختياره

بقلمي عبدالحميد وهبه