أكاديمية الهدى الماسية للشعر والأدب

گسدة فعقل

مسرحيات غريبة
وإتبات الذات بتحرميات
بخنات لوليدات
وگسدة خسارة كبرات
عقولهم صغيرة عانات
من فعايلهم اللي بنار
الغل تحركات
زعزعت دواخلهم
محرقين ريوسهم
على مرضي باغين
يتبتو أنه مزور
آش هاد المنكر
أنا حامدة الله
على ما عطاني
وأنت حاضيني
مريضة بيا الله يداوي
عقول خاصها تعديل
باش ترقى شوية
وتوعى آش كالدير
فغار كانعاني
وهي مدليا تابعاني
مريضة بكذا وكذا معايراني
ومن بعد تنفي
وتقول كالدير بلعاني
رساي غير مع راسك
على قرار
بلا هذا القيل والقال
نعطيك الداليل ا الويل
راك مغا تعرفي
حتى تقراي ملفي الطبي
هذا غير شوية دالجهل
كيتمشى فوق الأرض
متقل عليها راسو تصفر
فيه الريح
تصريح مورى تصريح
يقاقي ويصيح
تعطيها غير للتصنطيح
راد بالوا زعما لا يطيح
حيت ما عطيتك من وقتي
اللي ما لحگ للكرمة
كايگول عنبها حامض
زعما كلام معقول
ولا غير تعمار السوارج
غير الألوان لبلاصتها ردي
شالي راه سمو ماشي وردي
بلا ما تبقاي تقلبي
غير فيمن تشدي
بالكفر نعتيني
مع الجهال بحالك
على ابتلائي ضحكتي
حيت الصيام
منو المرض منعني
أنا حامدة الله شوفي
غير أنت أشنو غدا تدي
يوم ملقاك مع ربي
دعيتك ليه هو ياخذ لي حقي
تحية للي دايرة لها الأرارة
وفاقصة لها المرارة
بلا مجهود مني غير بمرضي

فاتحة سرغيني