أكاديمية الهدى الماسية للشعر والأدب

(بتغيب فجأة)
إزاى بتروح وتغيب فجأة
وبتبعد عنى وتتخلَى
م الواضح أنت ماحستشى
بمشاعرى وكنت بتتسلَى
أصل اللى يحب مايستغناش
الحب ده حاجة لازم تتعاش
لو وقتك يعنى عليك ببلاش
ف أنا يعنى بوقتى أكيد أولَى
إزاى بتروح وتغيب فجأة
وبتبعد عنى وتتخلى

إزاى توعد بحاجات وتقول
راح تفضل جانبى أكيد على طول
وفى وقت ما أكون عايزك جانبى
بلاقيك دايماً عني مشغول
بتبرر ليه طول الأوقات
وتقول وتعيد دايماً حوارات
أنا عارف بإن دى إشتغالات
علشان على قلبى تستولى
إزاى بتروح وتغيب فجأة
وبتبعد عنى وتتخلَى

بقلمي عبدالحميد وهبه