أكاديمية الهدى الماسية للشعر والأدب

غريب نبض قلبك
،،،،،،،،،،،،،،،،،،،،،. د٠نعمات إبراهيم
غريبه دقة قلبك مش مريحه
لا فيها حب ولا صريحه
فين القلب وفين دقاته
فين الصدق مع ابتساماته
فين الكلمه الصافيه الدافيه
اللي خارجه مع نبضاته
دقة قلبك خاضعه لعقلك
وادي عقلك سمعاه بيقول
اجري يا رجلي واسبقي عمري
واحسبي حساباتك باصول
أنا مش عايز غير محصول
،،،،،،،،،،،،،،،،،،،،،
شوف البسمه على الشفايف
غابت من شهور وسنين
ونبض قلبك منه خايف
ما بقاش في شوق وحنين
أعمل إيه وده غصب عنك
مش بلومك بس بقول لك
الأيام أخذت منك
أحلى كلام يقال لعمرك
ومهما ترجع بالايام
مش هتلاقي تانى كلام
لأن عقلك لان بقى مشغول
وانا سمعاه يا روحي بيقول
اجري يا رجلي واسبقي عمري
واحسبي حساباتك باصول
أنا مش عايز غير محصول
،،،،،،،،،،،،،،،،،،،،،،،،
د٠نعمات إبراهيم/ مصر