أكاديمية الهدى الماسية للشعر والأدب

(اللى هيسيبنا بمزاجه)

عمره ما هيلقانا صدفة
اللى هَيسيبنا بمزاجُه
بكره ييجى وكله لهفة
لما هيزيد إشتياقُه
وقتها راح أقول يحنن
مش هيلقى مكان وموطن
إلا يعنى لما أعلن
كسر قلبه وكبريائُه
عمره ما هيلقانا صدفة
اللى هيسيبنا بمزاجه

اللى متعود يفارق
كل فترة وييجى تانى
صار وجوده ماعدش فارق
و ف غيابه مش هعانى
بكره هيشوف المعاملة
مش هيبقى فيه مجاملة
لو هيعمل مية محاولة
مش هيعرف فين مكانى

اللى جه وأخد قرار
أنه يبعد يوم بخاطره
بكره يبكى ليل نهار
وينسى أنى لسه فاكره
م النهاردة أنا شخص تانى
شخص عايش بس عشانى
واللى يعنى فى يوم أذانى
عمرى لحظة ما هنسى شره

بقلمي عبدالحميد وهبه