أكاديمية الهدى الماسية للشعر والأدب

(جواب بالرفض )
فى حالة يعنى عدم الرد
هقول إنه جواب بالرفض
وإنك ناوى تنهيها
حاجات أنا عشت أبنيها
حكمت عليها ليه تتهد
فى حالة يعنى عدم الرد
أكيد هيكون ده شئ عن عمد
وواخد فيه قرار بالبعد
مادام رافض كده وساكت
أكيد كده نيتك بانت
بوضعك بينّا مليون سد
فى حالة يعنى عدم الرد

فى عز ما كنت بأجازف
لاقيت قلبك ضعيف خايف
أنا لقلبى دلوقتى
بقولُّه سامحنى أنا آسف
فى وقت ما تبقى مستغي
ورافض حتى تسمعني
أنا دلوقتى مش عايزك
وبَعدك مش هموت يعنى

فى حالة قِلة التقدير
أكيد فيه نية للتغيير
وأنا صدقنى هتغَير
وهرسم تانى خط السير
ورفضك مش هيكسرنى
أكيد بالعكس غيرّنى
ومن ذُل الوجود جانبك
أكيد والله حرّرنى

بقلمي عبدالحميد وهبه