أكاديمية الهدى الماسية للشعر والأدب

( كل يوم كدبة)

كل يوم كدبة قلبى مش لعبة
يتلعب بيها
كدبة وبتكبر أسفة مش هقدر
أنى أعديها
كنت فى بدايتى ساذجة وبصدّق
قولت ده حلم يوم هايتحقق
والكلام يكتر والوعود أكتر
كل ده دايماً فيا بيأثر
بس م اليوم ده هأبقى أنا واحدة
الوعود تانى صعب تغريها
كل يوم كدبة قلبى مش لعبة
يتلعب بيها

قوللى كام مرة أصل مش فاكرة
كام وعد وعدته
الحنين ظاهر وكلام مالوش آخر
من طيبتى صدقته
كنت مش عارفه إنك بتكدب
وإن بمشاعرى كل يوم تلعب
كنت ليك دايماً عاشقة ومسالمة
كنت بستنى رنه ومكالمة
بس م اليوم ده مش هكون واحدة
ضعفها ماليها
كل يوم كدبة قلبى مش لعبة
يتلعب بيها

بقلمي عبدالحميد وهبه