أكاديمية الهدى الماسية للشعر والأدب

( جدُه وبابا )
جدُه وبابا عملوا عصابة
باعوا العجلة وجابوا دبّابة
حالفين ياخدوا بتار الكل
م الناس الواطية الكدابة
خاصموا النوم ليل وايا نهار
على نفسيهم أخدوا قرار
ولا يعرفوا أيه معنى الراحة
غير لما يحاربوا الاشرار

واحد لابس وش باتمان
والتانى سبايدر مان
بيسافروا لكل مكان
ويواجهوا الناس النصابة
جدُه وبابا عملوا عصابة
باعوا العجلة وجابوا دبّابة

جدُه عاش الدور وأستكبّر
فاكر نفسه الراجل الأخضر
عايز يقضى على الطغيان
ويجيب حق الناس مش أكتر
بابا عاش الدور وياه
حلم العمر اللى إتمناه
يبقى الخير بس اللى معاه
علشان خاطر الخلق غلابة
جدُه وبابا عملوا عصابة
باعوا العجلة وجابوا دبّابة

الناس صارت لما تشوفهم
يجروا بعيد ويهربوا منهم
ماباقوش عارفين إيه الدنيا
ولا عاد فيه حاجه تطمنهم
بقوا ماشيين بيكلموا حالهم
مش عارفين إيه اللى جرالهم
سيف الظلم خلاص أهو طالهم
والدنيا قلبت لخرابة
جدُه وبابا عملوا عصابة
باعوا العجلة وجابوا دبّابة

بقلمي عبدالحميد وهبه