أكاديمية الهدى الماسية للشعر والأدب

@(والله يادنيا ماتساوي الدموع)

للعشره ماحد صان
والأخ علي الأخ هان
والحبيب محروم حنان
وكل شيء صابه الجنان

الكل عايش في وجع
لما الجنيه خيره وقع
وكل شيء عنه إرتفع

وكله عايش في ألم
والخير حوالينا إنعدم

معادن الناس إتبدلت
والطيبين في الزحمة اتبهدلت

والمصالح في الناس إتحكمت
وع الصُحبه الناس إتندمت

والكل بين الرحايا إتحشر
وطمع النفوس جوانا إنتصر

ولما المحبه تاهت
والرحمه بينا راحت
ضحكة وشوشنا عنا غابت

الإخوه عن بعض إتغربوا
والحبايب عن بعض إتفرقوا

والود راح والكل تاه
وسنين بنحلم بالنجاه
من رحايا ظلم الغلاء

طمع الخسيس خلاه فلح
والكيل فاض وطفح
والشر في مكانه نجح

والظالم من كتر ظلمه فَجَرّْ
والفقير وحده اللي صَبَرّْ

وحلم السنين جوه القلوب
مستني نخلص م العيوب

وللعشره نرجع نصون
وللود ماحد يخون

والخير يرجع يفرحنا
والمحبه تاني ترجعنا

والشر يبعد عن ديارنا
والشمس تدفي نهارنا

والأُولفه بين الناس تعود
وفي عنينا يحلوا الوجود

ليه الكل يبات موجوع
واغلي منك يادنيا الدموع

دموع فقير بيبات جعان
أو دموع مظلوم طلب الأمان

عايزين ياناس شوية ضمير
نحن بيهم ع الفقير

والكل لازم ياناس يفوق
قبل مايفوت الأوآن
والمصير يصبح هوان

والله يادنيا ماتساوي الدموع

خواطر (اشرف الدغيدي)
حقوق النشر محفوظة