أكاديمية الهدى الماسية للشعر والأدب

(طوّر من ذاتك )
حاول تتغير وإتغير من شكل حياتك
جدد فى طموحك للأحسن طوّر من ذاتك
حدد أهدافك وإدرسها وحاول تفهمها
وتحاول دايماً تدرجها ضمن إختياراتك

حلمك خلّيه ملازم دربك خلّيه موجود
ولا ياخدك يأسك لو مرة لطريق مسدود
وأكيد الحلم اللى حِلمته لازم يتحقق
وهتوصل حتى ولو بينك وما بينُه حدود

حدد في خريطة أحلامك مين فيها الأولى
ده مافيش أحلام راح تتحقق من أول جولة
خليك متأكد أو واثق دايماً فى نجاحك
لو حلمك يعني هتعملُّه يجي ألف محاولة

خليك في طريقك طوالي كمّل أو تابع
وبكل ما فيك لازم يعني ع الحلم تدافع
بالصبر أكيد وايا عزيمتك هتغير نفسك
والحلم أكيد طبعاً بكره راح يصبح واقع

إياك تستسلم أو مرة للحلم تأجّل
إصرارك دايماً وعزيمتك هيخلوك توصل
وتحقق أكتر م اللي أنت بجد إتمنيته
وحياتك دايماً تتحول طبعاً للأفضل

بقلمي عبدالحميد وهبه
10/6/2023