أكاديمية الهدى الماسية للشعر والأدب

$حن تتمحن $

حيوط الرحمة رابو
خيوط المحنة شابو
كلا يحسب حسابو
النية والخواطر خيابو
شي خرج ضفارو و نيابو
وشي تنكر لأهلو وحبابو
الفقير كيتحسدوا بسبابو
خايفين لا يصيبهم
ما صاب جيابو
خصايلوا گاع تعابو
بقا ساد عليه بابو
يخمم ك يساير عذابو
شاد التقار وحاظي جنابو
بعد ما نكروا طعاموا وطيابو
بيه يتقارنوا أش جاب اللي جابو
يتكمش….يقطع الحس
راه أهلو ما بقاوش حبابو
قبل فواحد الوقت استغلوه
وباسم المحبة ساسوه
كلاو لحمو والعظم لاحوه
والكلام المزوق على وذنيه رشوه
وبالظرافة واللطافة خدعوه
مين كبرت جنيحاتهم علاو
طارو…….بعدو
خلاوه يدور فبلاصتو
أش هاد المصيبة صابتو
كانوا هنا كانوا ليه
أحباب ياحسرا
دير الخير ف البراني
يثمر فيه وما يخليك
من تصرفاتو تعاني
ليك الله أحنين القلب

فاتحا سرغيني