أكاديمية الهدى الماسية للشعر والأدب

حق اللجوء العاطفي
💤💤💤💤💤
إوعي في ليله تنخدع
دول كلمتين متصنعين
فوق الشفايف مرسومين
..بيقولوا مش متشوقين
وأنا قلبي ليك عايش أسير.
فارد شراعه شمال يمين
أنا في انتظارك من سنين
          ويا اللجوء العاطفي
إوعي في حبك تنهزم
ومن الميدان دا تنسحب
وتسيبني وحدي أنتحب
خلي عنيك مرسال غرام
تمضي عقود هدنة ومرام
وأقول يا أهلا بالهوي و الإستيطان
             ويا اللجوء العاطفي
انا قلعقة أسوارها  حديد
واللي إقتحمها في الحضيض
متزوقة ومروقة …
    دي عروسة حلوة في خدرها
وكمان بكون متحصنة
    شايفة الرماه ..
إن كان هنا
أو من بعيد
ورماني رمشك جاي يعيد
يفتح في أقفال الحبيب.. قلبي العنيد
أنا قلت مرحب… مقتحم  ليا جديد
بس إقتحامك كان لذيذ
  جايب معاه ترياق مفيد
يزهر زهوري و قلعتي
غير لي دمي في الوريد
       ساعة اللجوء العاطفي
دا سألني عنك من زمان
قلبي اللي كان عايش هوان
مستني تطلب في الأمان..
       تحميني من كل اللي كان..
..غادر جبان
وتقول لي قال طالب لجوء
    وأنا بدعي ربي في السجود
      إني أكون لحن الخلود
وتكون لقلبي اللي إنظلم
شريان حياه
يلا تعالي أوام أوام
من خلف قضبان الحياء
   إمسك بإيدك في الزمام
     مطر سمانا نجوم وئام
وما بين عنيك ألقي الحنان
    دأنا اللي رايداك من زمان
            وطالبة اللجوء العاطفي
       ✨✨✨✨✨✨
❤️بقلمي ✍️ أميرة الغرباوي ❤️