أكاديمية الهدى الماسية للشعر والأدب

رحلة قدر
✍️✍️✍️✍️
و ما بين شقوق الأرض كنت الميته
فجأة القدر  ..جاب العوض
جاب مهدنا ..
مليون ربيع  طاهر.. مخضر بالورق
جاب قلب أطهر م الصفا
جاب حب عمره ما ينطفى
مع ألف بنورة قزاز لون العسل
قالت..
عطاشى في الحياه.. متشوقين
أو محتاجين
دايما لحضن محبه أقوي م الأنين
نظرة عيون متوهجة ..لون الشفق
قالت كلام.. فيه ميت سؤال
        علي ميت ملام.    
  قالت..تعالي يا قلبي..
كمل دايرتي
إمسح بخدك دمعتي
.إرسم علي أوتار قلوبنا الطيبه..
قبلة محبه عفيفه من فم الربيع
زيل الشجن..هات الأمل..
        كمل معايا رحلتي
جاب شبكتي …كت إسورة
متصنعه..
بضفيره من أصل الشفق  
تبرق مع.. ضوء الغسق
بحروف جميله طبطبت..
علي رعشة  في حضن القمر
و كسرت قضبان الألم.. و الخوف
من القلب الحزين
جابلي كمان ..
طوق فزدقي شفاف  مزين  مهجتي
حباته  ماس
سبقت بزوغ الشمس في عز الوهج
زهر  بلون الورد خدي إللي نهج
طيبني طعم الشهد  تاني ف لمسته
نزل القمر ع الأرض فارش سكته
مهد لنا
معظم ليالي العرس..
في نجوم السما
وبلون قزح..
إتلونت كل الحيطان..
في بيت رقيق بيضمنا
واتزمزمت..
كل الجحور اتلملمت
بسط النسيم العطر فاح في جبهتي
و المسك فاح ..
ورد  الصباح ..
ريحة الكلام..مع همسته
ريحة لا يمكن تيجي أبدا في الخيال 
فاقت عطور الدنيا و بحور الجمال…
فجأة و انا  وسط الكلام..فارقتني
من قبل ما تكمل بنورك فرحتي وهجرتني
ضيعتني
و نسيت تصلي ع العهود
قامت جنازة حب جوه القلب..
قلبي اللي احتضر
من غير صلاة من غير دعاء
من غير وداع
و حروف كلام بالمختصر
في يوم صبح موعود بشئ
مش في الوعود
إتفرقت.. معظم شقوق الأرض
و حدود الحدود
فلقيت عيوني اترجرجت واتزلزلت
واتفجرت
من وعد معسول بالخداع
انهار دموع متلونة
بنزيف بينزف من جراح ورد الأمل
كل الطيور الجارحة لينا اتجمعت
علي نهري و جسور الضياع
واهي قصتي
صبحت وليمة للنسور
ويا الطيور الجارحة
أيوه صحيح…
     خزلتني.. وكمان..
   نسيت … لقلبي تعتذر
        ✨✨✨✨✨✨
✨بقلمي ✍️ أميرة الغرباوي ✍️((