أكاديمية الهدى الماسية للشعر والأدب

يطول الصبر
💤💤💤💤💤
يا رحلة صبر طول العمر
…وهو العمر  يستاهل
وفين نلقى شوية صبر..
          يصبر صبرنا الصابر
  كأن العمر ..كاس للمر ..
   قال خد زين الكاهل
وأحلامنا تفارقنا ….
تروح تيجي  مع التوهة
تطيح بالبرعم الأخضر
وتنهي الجي من بكرة ..تهيأ له
وتفرش له مع النومة..
  ويتساوى نهاري في ليلي في مقابر
يا رحلة صبر طول العمر
يا واجعة القلب م الداخل
وإيه في العمر دام لينا
غير سراب م النومه..مخاوينا
فوق جفن الطريق المر متعايق
دموعك صلبة شايلة م الحمول جملة
وجوة النني تتحجر
        ورافضة البوح بأسرارك..
..نحايلها.. تقوم تتقل ..تجافينا
ولون للفرح برة الروح معادينا
بطعم الشهد فارقنا ما عاد فينا
وجُرن جراح مبصم قهر ..
   من أغلي الناس أهالينا
يا رحلة صبر فين الدمع ..
فين أشفي لهيب الخد
فين أقطف خميله من زلال الوعد..
لا بيوفي ولايطيب  ولا يغادر
يا عشرة صبر دايما للهموم شايل
يا كل العمر .. ما تِهَدي وتستهدى
وهات لي ربيع يقوي ..
في وردة عمرنا الباكي
وهات لي كمان يا بدري م الياقوت حتة
في أعلي الغيم
                ها نبنيها ..نزينها
بحبل نجوم يضويها ،،
ولا ها يطولها إنس ان كان
و لا من جان ها يخطيها
يضللها جناح مَلِكان ..
يعم أمان واعيش فيها
يا رحلة صبر إجمع لي …
حصاد الصبر و الحرمان
    وغطيني بدُعا يوسف ..
وإحيني
وضخ الدم.. حَنِي القلب ..
أصل القلب شاخ فينا
وإجني لي رحيق الورد..
    لاجل يضمد جراح ..
عمرنا الشاحب
   واغزلي لآلئ حور ..
تكون ويايا داخل عتمتي ..
في الليل شعاع النور
تقول هانت       عليك الدور
تدوق ..تتجرع الرحمة ..
     وتلقى نعيم من الآخرة
تكون راضي.. تعيش الباقي م الباقي
ولا تلاقي في يوم يا حبيبي
غير الحب متلون هنا وسرور
يا رحلة صبر طول العمر ،
ولى العمر و راح  الصبر ويا العمر
    مين فينا عليه الدور
〰️〰️〰️〰️〰️〰️〰️〰️〰️
😿بقلمي ✍️ أميرة الغرباوي 😿