أكاديمية الهدى الماسية للشعر والأدب

إزاي عليك قلبي يهون
دا سؤال وحير في القلوب المخلصين
إزاي عرفت ف يوم تخون
وتسيبني وسط  المجروحين
أصل الأسى…. لما طغى
أكل الوفا
أكل الدفا
قتل البراءة ف مهدها
إيه بهجته أو فرحته
         أو قوللي إيه كت فكرته
يا وردة نادية مفتحة
             شوفتك تميلي شمال يمين
وخدودك إللي موردين
ولا حتي همك مغرمين
لما شعاع الشمس كان خارج حزين
           ميل وقال لك كلمتين
          ففتحتي  قلبك ضلفتين
            بصم وعلم عالجبين
            وكان وهيجه نار تقيد
خلى إحمرارك في الخدود
                زايد  وعدا عن الحدود
والدم كان يجري ف وريد
أصبح  يسيل  بين الشقوق
مع نار بتكوي مدلدئه
      و الوحل حاجه مخزية
آهين يا حلوه …في العيون
كنتي غزالة ف خدرها…. سلمتي ليه
  صدقتي كل الأقنعة
و تركتي ورقك يتحرق
والشوك علي جبينك غرز
طار الندا وإزاي يعود
جف الورق لما احترق
…  داست عليه الأحذية
نامت عيونك في الشقوق
سالت دموعك..
تروي في قلب البكارى المولودين
وصبح شعاع الشمس واضح من جديد
يلمس جبين مولود جديد        
              يوئد براءة نور سعيد
ويبدله مع دمعتين ……
    تجري تنام بين القلوب المجروحين
      🌀🌀🌀🌀🌀🌀🌀🌀
    🥀بقلمي ✍️ أميرة الغرباوي 🥀