أكاديمية الهدى الماسية للشعر والأدب

سكووت هنصور
  كله أوام ..يجمع هنا
      في الصورة ..يظهر جنبنا
أصل إللي باقي مننا   صورة و ذكرى للزمن..
   ياللا أوام اتجمعوا
        و كمان بسرعة اتبسموا
                 ويا الوشوش اتحمسوا
     دي  صورة ذكرى للزمن..
صورة جميله مجمعة..
            كل الفئات في المجتمع
** صورني صوره  مع الغفير ….
اللي سبق كل الرجال  …
ليله و نهاره تقول شاهين
في الليل كتير النعسانيين….
    .   .     و دا صقرنا  الحارس أمين
صقفة طويله للغفير 
و تملي أحلى م الأمير
**  إعمل لي زووم في جبين أجير
تلقى الجموع متجمعين
دا مسكهم ..في عرق يسيل
         …… طاهر يطهر في العليل
يسعي النهار ..شارب مرار ..
           واخد قرار ..مايقولش آه..
عشان عفيف….  راجل شريف
                  عاجن بدمه.. في الرغيف
** إرجعلي خطوة من بعيد…
           واقف هناك عامل بسيط
و لسانه قول.. مخلص مطيع ….
    حاضر ياهانم.       يا هلال..
                 حاضر يا بيه
علي قلبه قافلة بالدموع
…والبسمة منه ..بصوت خشوع
.. و ملامحه حامدة  و ربنا المعبود…
تملي ماشي بذكر الهادي ..لسانه نادي..
ملوش اعادي  علي الدوام
يا حته من قلبي الشريف
طارح محبة علي الأيادي ..
      بنور شريف .
**هاتلي بقي منظر حقيقي ع اليمين
.. دي واحدة قاعدة ع الرصيف…….
تنادي يا خضرة …طرية و ندية….شبه اليمام                      
الكوسة حلوة    صابحة قوية
تحشيها ..تبقي .. في البيت هنية
…..الصوره زاهية  منوره
بياعة شاطرة  معطرة
   معافرة تملي مزهرة
وتاج حياتها …
       في العفاف و السكه الطاهرة الحلال
فـ خدودها.  تبان  شمس النهار..
           بدون حدود
دي بنت ابوها حلال يا ناس                   
**مناديل يا هانم ..عطور  يا بيه
لعبة لحمادة.و كمان كمان.. لعبة لوجيه
قطر الحياة فايت سريع
وده جزء منه .. بياع وسارح
خد مني حاجة بكام جنيه
دا زبون معافر.. أو منافر للجميع
             واحد بياخد..
        و  غيره بيدي باليمين
واهي دايرة  دايرة .
    .بصورة ناقصة من سنين
ناقصة ابتسامة حب صافية بالحنين
ناقصة المحبة و المودة..
   ناقصة تلقي ف يوم أطبه للجنين
  ولا مرة تقسوا و تجنوا للجيل الجديد
    إيه باقي منا غير ليلة حلوة
     تشبه خيالنا  بألف عيد
            وتبقي منا
  ذكري باقية  لجيل جديد.
             .✨✨✨✨✨
    ✨بقلمي ✍️ أميرة الغرباوي ✨